Departamentu nia papél maka atu asegura atividade iha produsaun enerjia eletrika liu husi serbisu operasaun no manutensaun ba Sentral Eletrika Hera, Betano, Atauro no Comoro, halo serbisu koordenasaun, inspesaun no monitorizasaun ba fornesimentu mina ba sentral eletrika sira. Halo realizasaun ba pesquisa no rekolhamentu fonte enerjia renovavel no instalasaun paineis solares iha area izolada no do’ok husi rede elétrika nasional no melhoramento biogas, biodiesel, hidricas e fotovoltaica.

Sentral eletrika ne’ebé aktual eziste hamutuk haat (4) maka estabelese iha Timor-Leste, exeptu RAEOA, mak hanesan:

1.     Sentral Elétrika Hera ho kapasidade ne’ebe instala 119 MW; 

2.     Sentral Elétrika Betano ho kapasidade ne’ebe instala 136 MW;

3.     Sentral Elétrika Comoro ho kapasidade ne’ebe instala 27.5 MW; 

4.     Sentral Elétrika Postu Administrativu Atauro ho kapasidade ne’ebé instala 2900 kVA ou 2.320 MW.

Sentral Elétrika Hera – Betano hamutuk kapasidade total 255 MW no halo operasaun paralelu, Sentral Hera operasaun ho Isochronous Mode (Master) no Sentral Betano halo operasaun ho Speed Drop.