8001000 / 3339258

Ekipa Rekursu Umanu Finaliza Ona Atividade Sosializasaun Kódigu Konduta ba Funsionáriu Sira

Informasaun Kona-ba Eventu

Data Hahu:
Data Remata: 10/Dec/2025

Eletricidade de Timor-Leste, Empresa Pública (EDTL, E.P.) liu husi Departamentu Rekursu Umanu hamutuk ho ekipa JU’S finaliza ona formasaun kona-ba Kódigu Konduta ba Funsionáriu EDTL, E.P. sira husi nasional toʾo ba iha munisípiu sira hotu.

Formasaun refere halaʾo durante fulan tolu (3) nia laran hahu husi fulan jullu toʾo outubru.

Sosializasaun neʾe ho objetivu atu partilla informasaun no aumenta koñesimentu no kompresaun kona-ba artigu ka regra sira neʾebé hatuʾur iha kódigu konduta atu hodi garante funsionáriu sira hatene hahalok neʾebé mak tenke kumpri ho nuneʾe proteje funsionáriu sira husi asaun violasaun sira nia direitu rasik, tuir padraun neʾebé deskreve iha kódigu konduta.

Kódigu konduta deskreve papél ne'ebé EDTL, E.P hala'o hodi hadi'a seguransa funsionáriu sira-nian liu-liu feto no grupu vulneravel sira. Kódigu ida-ne'e sei rezulta padraun hahalok ne'ebé a’as liu iha EDTL, E.P hodi asegura katak funsionáriu hotu-hotu hetan tratamentu ho dignidade no respeitu.

***