Conselho de administração EDTL, E.P. halao enkontru iha loron sesta 28 jullu 2022, iha sala reuniaun CE, hodi diskute no aprova bá proposta ne’ebé propoin iha ajenda bá enkontru refere.Iha oportunidade ne’e Sra. Felizarda, xefe divisaun aprovisionamentu, atualiza progresu husi pakote tenderizasaun bá  Projetu Eletrifikasaun Nasional (PEN) bá faze II no III nian. No diretór departamentu produsaun no energia renovável mós atualiza informasaun kona-ba Sentral Elétrika ne’ebé eziste hanesan, Hera, Betano, Ataúro no Comoro. Iha apresentasaun ne’e diretor relata kona-ba reativasaun bá Sentral Elétrika Comoro, Sentral Eltrika ne’e paradu durante tinan 10 nia laran ona ho total kapasidade 27.5 MW, ne’ebé dadaun ne’e tékniku sira halo hela inspesaun bá sistema hotu ne’ebé estabelese iha Sentral  refere. Atu realiza planu reativasaun bá sentral refere Comissário Técnico, Eng. Latino, apresenta planu aquizasaun bá óleo hodi halo commissioning test bá m’akina nomos  bateria ne’ebé tékniku sira identifika katak bubu hotu ona tamba la uza durante  tempu naruk. Aleinde ida ne’e presiza mós tékniku espesialista ho esperiensia iha área operasaun no manutensaun hodi bele ezekuta planu refere ho diak.