Xefe Unidade distribuisaun  sr. Chiquito dos santos hamutuk ho funsionáriu munisípiu Lautem selebra aniversáriu  EDTl, E.P. nian bá dala-2 , liu husi missa agradesimentu ne’ebé halao iha loron 21 Jullu 2022  hamutuk ho familia no sarani sira husi Lospalos iha igreja St. Paulo de Lospalos, no husu mós bá amu  Paroku fó bensaun bá transporte hanesan Motor no Kareta operasional ne’ebé durante ekipa uza hodi halo atendementu tékniku.

Hafoin Missa agradesementu  Ekipa mós halo  aktividade marsa saudavel  husi área Pitileti Tutuala bá tasi ibun Walu, iha serimónia nemós xefe unidade Lautem entrega simblokimaente Save kareta bá EDTL, E.P, postu Iliomar, no husu atu kuida transporte ne’e ho diak atu nune’e bele halo atendementu diak liu tan bá kliente sira.

Selebrasaun aniversáriu Eletrisidade de Timor-Leste, Empreza Públika (EDTL, E.P.) nian ba dala rua ida ne’e ho tema "Mai Ita Hametin Unidade Servisu hodi Asegura Fornesimentu Enérjia Eletrisidade ho Konfiável".