Komisaun Ezekutiva EDTL, E. P ho funsionáriu EDTL, E.P.  hamutuk ho S.E Ministru das Obras Publikas Dr. Abel Pires da Silva , S.E Vice Ministru Finansas Sr. António Freitas  Prezidente Orgaun autonoma sira ne’ebe tutela ba MOP, DGAF,  komemora  selebrasaun aniversáriu EDTL,E.P. ninian bá dala rua (2).ne’ebé komemora iha kampu futsal EDTL.EP Kaikoli, Dili

Molok atu hahu diskursu  DR. Paulo da Silva hateten hodi estrutura tomak  hakarak agradese bá exelénsia sira nia prezensa iha serimónia  aniversáriu EDTL nian.

 Iha ninia intervensaun DR. Paulo da Silva hateten EDTL  nia ezistensia hahu kedas iha tinan ruanulu, maibe hanesan empresa   ekivalente foin mak tinan 1, laiha  servisu koorporativu  ne’ebé mak tau matan bá data  empresa nian, la iha regras komplementares hodi  guia servisu  operasional sira , limitasaun rekursu umanu nst. Obstáculu boot ne’e mak EDTL hasoru mak hanesan : dezastre natural iha loron 04 Abril tinan 2022 ne’ebé hetan  estragu no EDTL  esforsa makaas durante fulan ida nia laran  hodi restaura hikas linha distribuisaun sira ne’e hotu, aliende ne’e surtu Covid 19 ne’ebé  afeta bá aktividade servisu EDTL nian  iha terrenu no liu-liu afeta bá implementasaun projetu eletrifikasaun ba iha territóriu laran tomak. Hanesan empreza atu lao tuir lalaok empreza nian , atu muda abitu  ba kultura servisu la fasil, lori tempu, maske nune’e hau fiar katak,  ita hotu iha hanoin ida deit  no mehi ida  deit katak  fornesementu enerjia elétrika ne’eb’e diak  ho kualidade  ba ita nia populasaun sira  tenke sai sentru  de atensaun bá ita nia aksaun sira,  atu atinge sira ne’e hotu tenke tau iha ita nia laran espirítu sakrifisiu no iha vontade  makaas . Maske ita hasoru difikuldade  barak   durante ne’e  ita merese para atu reviza ita nia an  ho susesu kiik sira ne’ebé dalaruma públiku ladun hatene .

Aproveita biban ne’e  hakarak informa esforsu servisu ne’e bé EDTL halo hanesan

•           Estabelese servisu koorporativu ne’ebé   hodi tau matan ba servisu aprovizionamentu   rekursu umanu, finansas no lojista empresa nian

•           Durante tinan ida nia laran EDTL promove programa eletrifikasaun   hamutuk  141 pakotes  no projetu sira seluk ho konkursu públiku

•           Halo rekrutamentu bá funsionariu sira  hodi reforsa servisu tékniku no nao tékniku sira

•           EDTL mos Instala Sistema finansas  temporaria hodi  halo aprovasaun via online.

•           Ohin  EDTL lansa ofisialmente website  EDTL, E.P. nian bá publiku.

•           Instala ona kontador hamutuk  73 Mil unidades iha territóriu laran

•           EDTL konklui  iluminasaun Estrada ba kapital munisipiu hanesan: Dili, Manatuto, Kovalima, Likisá Baukau no Lautem

 

EDTL mós estabele ekipa inspesaun téknika hodia hadia  intervensaun sira hodi assegura  kolesaun receitas  ba instituisaun nian.  Ho servisu hirak ne’e  konsege hasae reseitas  , uluk iha diresaun geral reseitas ne’ebe hetan 2.4 milloes to’o 2.6 milloes , hanesan empresa kada fulan EDTL hetan  3.6 Milloes to’o 3.7 milloes  husi dadus ne’ebé iha durante fulan neen (6) nia laran  hahu husi Janeiru to’o jullu tinan 2022  EDTL kolleta ona reseitas hamutuk  22.3 Milloens, EDTl mós kumpri regra no Lei ne’ebé vigor ho nune’e iha prosesu konkursu  no kontratu boot sira ne’ebe halo  no hetan fiskalizasaun husi Tribunal das contas ba Kontratu boot nebe tribunal fó vistu no visa, ne’e hatudu katak rekonhesimentu  husi insituisaun independente tribunal  nian ba EDTL nia servisu  sira ne’ebé liga ho  boa pratika  servisu administrasaun  no gestaun finanseiru nia, nomos  hatudo konfiasa husi governu  estadu no sosiedade bá EDTL , ho impoem regras aprovizionamentu  ba kontrolu iha plaeamentu orsamentu . EDTL konsege halo poupansa ba orsamentu ba projetu sira , ba projetu  141 PEN ninian edtl konsegue halo pupansa por volta 17. 6 milloens ekuivalente 40%  husi total orsamentu ne’ebé iha ba manutensaun rede transmisaun  EDTL poupa 41%  ekuivalente 308.943 Milloens kada fulan, bá akuizasaun kontadores  poupa  1 miiloens ekivalente 25%.

Iha tinan ne’e EDTL konsentra servisu  hanesan:

•           Kontinua tau matan  ba projetu eletrifikasaun nasional

•           EDTL konklui ona levantamentu  tékniku ba aldeia sira ne’eb’e seidauk assesu  enerjia elétrika, no ba sira ne’ebe distansia menus husi 2km EDTL bele halo intervensaun direita.

•           EDTL mos sei konklui  estudu viabilidade  konversaun gas ba diesel  sentral hera,  estudo viabilidade solar PV IPP (Manatuto, likisa no baukau)

•           EDTL sei instala  solar homesystem  ba uma kain sira iha área remotas  hamutuk 1091  nomos instala solar street light hamutuk 91 postes iha area tasi ibun.

Atu atinge objetu planu sira ne’e presiza kontribuisaun  esforsu no dedikasaun  ita hotu nian hahu husi departamentu tékniku  to’o iha departamentu servisu koorporativus, finansas  ne’ebe koletivu sei kontribui ba rezultadu.

Ikus liu DR. Paulo da Silva hato’o apresiasaun  ba hotu-hotu nia kontribuisaun no dedikasaun   ba servisu ne’ebe halo ona, agradese mós ba VIII Governu liu husi Ministeriu das Obras Públicas ne’ebe sempre fó apoiu masimu hodi   realiza servisu tékniku hotu durante ne’e,  no Ministeriu Finansas sempre fo atensaun makaas  ba EDTL nia preokupasaun. No hodi estrutura nia naran hakarak hato agradesimentu bá  departamentu tekniku hotu  husi nasional  to’o bá iha munisipiu.

 “Iha ámbitu ne’e , Sr. Ministru Obras Públikas  hato’o Párabens no apresia ba esforsu hotu ne’ebé mak EDTL,E.P. atinje. Durante Tinan 2 ne’e ita bo’ot sira hatudu ona konfiansa ne’ebé governu, estadu no soiedade  ho kualiadade servisu ne’ebé diak , reseitas ne’ebé aumenta no  husu atu  EDTL,E.P. kontinua esforsu makaas  atu bele halo implementasaun enerjia  renovável bá iha redusaun kustu produsaun eletrisidade ne’ebé a’as “.

iha tempu hanesan SE Ministro  fahe sertifikadu ba   funsionáriu EDTL, E.P.  ne’ebé hola parte iha calamidade 4 de Abril 2021