Munisípiu Bobonaro, 10 Agostu 2022 Ekipa tékniku EDTL, E.P. halao inspesaun tama sai uma identifika no desliga eletrisidade bá konsumidor sira ne’ebé mak halo ligasaun ilegal, iha Maliana Vila.

Xefe unidade Distribuisaun Bobonaro Sr. Mario J.Soares hateten konsumidor ne’ebé halo ligasaun illegal sei desliga hotu, wainhira sira kumpre ona prosesu administrativa mak bele liga fali eletrisidade.

"Bazeia ba dekretu lei 33/2016 artigu 13 hateten katak sei iha ligasaun direta ba rede enerjia elétrika públika sem utilize kontador elétriku, EDTL,E.P.  bele desliga baisada no la fornese eletrisidade no sei  fó multa bá  konsumidor."

Nune’e husu bá konsumidor  sira atu kontribui  ba dezenvolvimentu setor eletrisidade nian  liu husi hapara  ligasaun illegal. No wainhira iha avária ne’ebé afeta ba liña eletrisidade hodi kontribui ahi mate, husu ho hakraik an para kliente sira mai hato’o iha edifísiu EDTL, E.P.