Manatuto iha loron kuarta  03 Agostu 2022 Prezidente Komisaun Ezekutiva EDTL,E.P. DR. Paulo da Silva akompaña husi  ofisiál programa DPER,  Ofisiál Tékniku Arkitetura, supervisor no koordenador EDTL,E.P. Munisípiu Manatuto hamutuk ho Ekipa husi ADB, kompaña Entura no diretór terras e propriedades husi munisípiu Manatuto halao site visit bá fatin potensiál bá projeitu parke solar PV ho modalidade IPP(Independent Power Producer ka Produtór Enerjia Independente) iha Balak Laleia Postu Administrativu Laleia Munisípiu Manatuto.

 Objetivu husi Vizita fatin ne'e hodi haree detallu kona-ba fatin atu halo konstrusaun bá solar Panel, tarjetu EDTL, E.P. nian atu harii 100 MW. Kapasidade husi painel solár ne’e sei uja enerjia bá iha territóriu Timor Laran, hodi redús kustu bá produsaun enerjia ne’ebé boot bá kustu kombustivél . Ho konstrusaun painel solár ne’e bele hamenus husi kustu kombustivel husi porcentu haatnulu (40%).