Díli iha loron Sesta 05 Fulan Agostu 2022  Komissaun Ezekutiva halao reuniaun ho kargu xefia hotu no funsionáriu sira ne’ebe koalia kona ba atualizasaun no avaliasaun bá aktividade servisu durante ne’e, iha salaun Madre Canossiana Becora Dili

Dahuluk Prezidente CE, Dr. Paulo da Silva, agradese bá kontribuisaun husi funsionáriu hotu, munisípiu no mós iha nasional, bá komemorasaun aniversariu EDTL  nu’udar Empreza Públika (EP) ba daruak. Presidente hateten mos katak apresia bá dezempeñu husi funsionáriu hotu durante tinan rua ne’e nia laran hodi kontinua fornese enerjia ba kliente sira maske hasoru difikuldade barak. Dr. Paulo akresenta mós katak setor ne’e eziste kleur ona, hanesan EP funsiona iha tinan ida ho balun nia laran, susessu hotu ne’e mai husi kontribuisaun hotu-hotu nian laos mai husi Komissaun Ezekutiva deit. Nune’e husu atu hotu-hotu servisu makas nafatin no iha sentidu de pertensa hanesan pontu importante.

Iha oportunidade ida ne’e Prezidente koalia mós kona ba lisensa husi funsionáriu públiku sira ne’ebé atu remata ona, husu atu sira refleta no hanoin hodi toma desizaun ho didiak. Komisáriu Servisu Korporativo, Sr. José Marcelino Cabral Belo, no Komisáriu Servisu Tékniku, Eng. Latino Jerónimo, mós partilla mós hanoin bá funsionariu kona-ba vantagem no desvantagem husi opsaun sira ne’ebé iha. Husu atu durante periodu ne’ebé se iha aproveita reflete bá servisu ne’ebé presta ona hodi bele deside ho didiak bá ida-idak nia an.

Ikus liu, Prezidente agradese no apresia bá kontribuisaun husi funsionariu tomak no husu atu supervisiona nafatin implementasaun obra  projetu eletrifikasaun nasional (PEN) hodi nue’e garante kualidade servisu bá programa refere. No kontinua  servisu ho diak atu nune’e kontribui bá susesu instituisaun nian.