Dili iha loron  20 Outubru 2022 : Prezidente EDTL,E.P. DR. Paulo da Silva akompaña husi komisáriu Ezekutivu servisu korporativu EDTL,E.P. Sr. Humberto Pereira  no diretóra finansa no Komersial EDTL,E.P. Sra. Idrisiyah Sagran partisipa iha aprezentasaun relatóriu ezekusaun III Trimestre OJE 2022 no Kalendáriu taka ezersisiu orsamental tinan 2022 ne’ebé realiza iha salaun enkontru Hotel Novo Turismo.

Iha Okaziaun  ne’e Prezidente EDTL,E.P. DR Paulo da Silva halo aprezentasaun ba progressu servisu,  Ezekusaun programa no orsamentu  ba aktividade servisu ne’ebé mak EDTL atinje iha 2022. Atinjimentu ne'ebé mak EDTL iha mak hanesan kobertura eletrisidade ba suku sira ne'ebé antes ne’e falta 15% ne'ebé diminui ona ba 11%. Iha fulan Novembru no dezembru sei inagura tan iha suku seluk mos, nune’e espera katak  sei  reduz  to’o  6%. EDTL mós iha programa  FMS(Finance Management System)  Sistema ida sei jere  Gestaun Finansa, Asset, Lojístika nst, espetativa fulan  Novembru Laran Go-Live. Antinjementu seluk mak husi Janeiru too Setembru 2022 reseita aumenta, ho total hamutuk 34.4 Milhoes Dolares Americano, progressaun ba tinan ne'e sei to'o 40 Milhoes.

Prezidente mós aprezenta planu programa atividade ba tinan 2023 hanesan : kontinua tau matan ba projetu PEN no PEK (Politika Eletrifikasaun Komunitária ne’e sei servisu Konjuntu entre EDTL no Komunidade )  bá Suku no Aldeia sira; estudo Viabilidade ba Sub-estasaun Tibar & Seloi Kraik;Kontinua Iluminasaun bá Kapital munisípiu liman (5); Halo dezenvolvimentu  bá Parke solar PV ho modalidade IPP (Independent Power Producer ka produtór enerjia Independente) iha munisípiu  Manatuto, ne’ebé mak iha potensiál di’ak liu atu Instala Painel Solár; Estudo Viabilidade bá enerjia eólika (wind power)  no BSS ne’ebé serbisu hamutuk ho International Finance Corporation (IFC); implementasaun projetu dizitalizasaun  liña distribuisaun, Serbisu O&M centrais, rede transmisaun no distribuisaun;  nomós reativa hikas Sentral Elétrika Komoro.

SE Ministro Dr.Abel Pires iha ninia inteversaun hateten katak ezekusaun III trimester OJE 2022 ne'e importante hodi  halo preparasaun  bá orsamentu tinan oin nian. Tan ne’e Husu hotu-hotu nia kontribuisaun no  kontinua servisu makas atu nune'e bele atinje Ezekusaun Orsamentu. SE Ministro Das Obras Pùblicas hato'o mós  apresiasaun  ba EDTL, E.P.  ba politíka eletrifikasaun komunitáriu (PEK) ne'ebé  ho objetivu aselera Dada liña eletrisidade bá komunidade sira.  No Vise Ministro mós apresia ba EDTL tanba hafoin transforma bá Empreza Públika (EP) iha mudansa, hanesan iha frekuensia ahi mate ne’ebé mak diminui  bazeia bá   dadus husi  ANE.IP.

Enknontru refere prezide husi Ministro das Obras Públicas Dr. Abel Pires akompaña husi Vice-Ministro Obras Públicas Engº Nicolau Lino Freitas Belo no Director Geral de Administração e Finanças, Sr. Januário Patrício Barbosa no Prezidente Autonomo sira ne'ebé tutela bá Ministério das Obras Públicas (MOP).