Díli, 24 Novembru 2022: Atu halo distribuisaun ka alokasaun orsamentu ba projetu Konstrusaun Edifísius EDTL,E.P iha Munisipiu 12​ no manutensaun ba rede, Kuarta-Feira ne’e Prezidente Komisaun Ezekutiva EDTL,E.P Dr. Paulo da Silva akompaña husi Komisáriu Ezekutivu Servisu Tékniku Eng. Latino Jerónimo hala’o enkontru koordenasaun ho Diretores Téknikus EDTL,E.P hodi diskuti kona-ba Dezeñu no  Bill of Quantities  (BoQ) ba rehabilitasaun Rede Distribuisaun ne’ebé finansia husi Fundu Imprestimu (GoTL), hodi submete ba Banku Dezemvolvimentu Aziátiku (ADB) no NPC.

Alende ne’e iha enkontru refere diskuti mos planu projetu sira hanesan harmoniza Kabu 20KV ba 150mm, utilizasaun Poste Konkrete, troka Trafo, hadiak sistema protesaun, no rekomenda atu harmoniza kabu iha estrada Protokolu Comoro - Becora ba 240mm, nsst.

 

Média, EDTL,E.P