Díli, 18 Novembru 2022: Hafoin loke formasaun kona-ba Power Factory Planning Software durante semana ida husi Kompaña DigSilent ne’ebé hala’o iha  salaun formasaun EDTL,E.P Caicoli-Díli, Sesta-Feira ne’e Prezidente Komisaun Ezekutiva EDTL,E.P Dr. Paulo da Silva akompaña husi Komisáriu Ezekutivu Servisu Korporativu Sr. Humberto Pereira no Diretóres EDTL, E.P halo enseramentu bá formasaun refere, iha Salaun enkontru EDTL Kaikoli-Díli.

Iha seremónia inseramentu ne’e Dr. Paulo apresia no agradese bá ADB ne’ebé fo apoiu treinamentu bá tékniku sira durante semana ida, hodi bele ajuda hadia Jestaun EDTL,E.P nian  iha kualidade fornesimentu enerjia elétrika, no ajuda operasionaliza programa ba nia aktividade tékniku iha futuro.

“Hato’o agradesimentu ba ADB no formador nain rua Sr. Umberto Maria Cella no Sr. Wen Yung Ong bá suporta hotu no husu nafatin apoiu hodi nune’e bele ajuda tékniku sira bainhra iha difikuldade ba matéria ne’ebé antes ne’e aprende, banhira presisa bele kontaktu nafatin ba ita bo’ot sira.”

Iha fatin hanesan formador Sr. Umbeto hatete  agradese ba oportunidade tanba bele servisu hamutuk ho EDTL,E.P hodi realiza programa ne’e.

“Ami kontente tebes, introdús bá ita bo’ot sira kona-bá Power Factory Software Planning ne’e no obrigadu barak bá EDTL, E.P ne’ebé fahe ona informasaun kona-ba Sistema eletrisidade iha Timor-Leste. Ami deseja atu EDTL, E.P. bele uja Power Factory Software ne’e iha Futuro nune’e garante fornesimentu eletrisidade iha Timor-Leste.”

Formante téknika Edusunda S. P. Sanches (Operadora NDC) hato’o agradese ba EDTL,E.P no ADB ba inisiativa realiza programa formasaun ne’e, hodi kapasita funsionáriu sira iha área  Power Factory Planning Software.

“Agradese ba inisiativa ne’e, formasaun ne’e importante tebes atu ami bele aumenta tan koñesemnetu ba utilizasaun Software no halo simulasaun, oinsa foti dadus husi mapa GPS tuir liña, oinsa dezeñu iha mapa. Espera que programa ne’e sei iha kontinuasaun”.

Partisipa iha formasaun ne’e funsionáriu hamutuk 14 husi departamentu teknikus 6 inklui, DPSE, DRDAC, DPER, DRT nomós GIVJP. Formasaun sei hala’o durante semana ida, hahu iha loron 14 Novembru to’o 18 Novembru 2022.

 

Média, EDTL,E.P