Díli, 14.11.2022: Prezidente Komisaun Ezekutiva EDTL, E.P Dr. Paulo da Silva akompaña husi Komisáriu Ezekutivu Servisu Korporativu Sr. Humbertu Pereira no Diretór Tékniku EDTL, E.P halo abertura bá formasaun Power Factory Planning Software husi Kompaña DigSilent, iha Salaun enkontru EDTL Kaikoli-Díli Segunda semana ne’e. Software no Formasaun nee oferese husi Banku Aziatiku ba Dezenvolvimentu (ADB) relasiona ho Projetu Power Distribution Modernization.

Iha diskursu Dr. Paulo da Silva husu formante sira atu aproveita oportunidade hodi aprende nune’e bele aumenta koñesimentu iha área refere. Alende ne’e, hato’o apresiasaun bá ekipa ADB ne’ebé apoiu hodi fasilita formasaun bá tékniku sira.

“Formasaun ida ne’e bele fó benifísu no hasa’e kapasidade imi nian atu nune’e bele atinje metas husi formasaun. Prezidente husu atu fó atensaun máximu no pro-ativa husu perguntas, wainhira iha difikuldade ka konfuzaun ho materia atu husu buat ida ne’ebé mais importante no labele nonok”.

Power Distribution Modernization Project hanesan Projetu digitalizasaun be'ebe finansia husi fundu impréstimu ho total 50 milliaun, inklui $35 miliaun husi ADB no 15 miliaun husi Governu Timor-Leste. Objetivu husi projeitu refere mak atu melhora atendimentu publiku ba klientes, melhora rede distribuisaun no konstrui escritorios EDTL, E.P. iha Munisipius tuir estandarte ambiente verde nian no hasa’e kapasidade instituisaun nomos funsionáriu EDTL, E.P. iha serbisu fornesimentu enerjia elétrika ho kualidade no sustentavel.

Partisipa iha formasaun ne’e funsionáriu hamutuk 14 husi departamentu teknikus 6 inklui, DPSE, DRDAC, DPER, DRT nomós GIVJP. Formasaun sei hala’o durante semana ida, hahu iha loron 14 Novembru to’o 18 Novembru 2022.

 

Média, EDTL,E.P