DÍLI, 09 Novembru 2022: Ekipa Tékniku EDTL,E.P husi Unidade Atendimentu Tékniku, ne’ebé lidera husi Xefi Inspesaun, hala’o reinspesaun ba komunidade sira ne’ebé antes ne’e identifikadu halo ligasaun direta enerjia elétrika (Ilegal) ba uma, iha área Farol, Pantai-Kelepa, Beto-Timur, Manleu (Aimeti-Laran).

Relasiona ho aktu hirak ne’e, EDTL,E.P notifika hodi aplika multa ba komunidade sira ne’ebé identifikadu halo ligasaun direta (ilegal), alende ne’e ekipa tékniku  halo kedas desligasaun baixada ba uma hirak ne’e. Maske nune’e komunidade sira balun lakoi kopera ho EDTL,E.P no kontinua halo ligasaun direta enerjia elétrika ba sira nia uma, ho razaun tanba lakoi selu multa.

Maske nune’e, Ekipa Tékniku EDTL,E.P husi Unidade Atendimentu Tékniku nafatin halo desligasaun baixada ba uma hirak ne’e, no notifika hodi selu multa bazea ba kategoria uzu enerjia.

Média, EDTL,E.P