Díli, 15 Novembru 2022: Komisaun Ezekutiva EDTL,E.P hala’o enkontru ho Komapaña Koreanu ELT  Co. Ltd, iha sala reuniaun Komisaun Ezekutiva, Kaikoli-Díli Tersa semana ne’e.

Objetivu husi sorumutu ne’e, atu diskuti kona-ba projetu ODA hanesan grande projetu ida ne’ebé atu implementa Planta Solar-PV iha área identifikadu hanesan Munisipiu Ataúro. Tanba ne’e Komapaña Electronic Life Technology  Co., Ltd. husu kolaborasaun ho EDTL, E.P atu partilha dadus hodi kompleta Project Concep Paper, nune’e bele submete proposta refere ba Embaixada Korea. Alvu husi projetu ne’e mak husi tinan 2024 - 2027, alemde ne’e sei kapasita ba tékniku Timor-oan sira, nune’e bele jere rasik solar PV wanhira implementasaun remata.

Presidente Komisaun Ezekutiva EDTL,E.P Dr. Paulo da Silva agradece ba inisiativa projetu ida ne’e, no kompromete sei koopera ho Komapaña Electronic Life Technology  Co., Ltd.  Hodi kompleta dadus nesesáriu ba Project Concep Paper,  no sujere atu Implementa prerioridade  iha Munisipiu Ataúro.

Partisipa iha enkontru ne’e, Presidente Komisaun Ezekutiva EDTL,E.P Dr. Paulo da Silva, Komisáriu Ezekutiva Servisu Koorporativu Sr. Humbertu Pereira, Komisáriu Ezekutiva Servisu Tékniku Eng. Latino Jerónimo no Reprezentante Komapaña Electronic Life Technology  Co., Ltd.

Media, EDTL,E.P