8001000 / 3339258

ENKONTRU KONSULTASAUN PÚBLIKU IHA KONTEÚDU ESTUDU AMBIENTÁL BA PROJETU KONSTRUSAUN ARMAZENAMENTU KOMBUSTIVÉL PERTAMINA INTERNASIONAL TIMOR S.A

Enkontru Konsultasaun Públiku Iha Konteúdu Estudu Avaliasaun Risku Ambientál Entre Instituisaun Relevante


Díli, 18 Novembru 2022: Komisáriu Ezekutivu Servisu Korporativu EDTL,E.P Sr. Humberto Pereira, partisipa iha enkontru konsultasaun públiku iha konteúdu estudu avaliasaun ba risku ambientál entre instituisaun relevante sira, relasiona ho projetu  konstrusaun ba armazenamentu Kombustível no melloramentu Tanki Kombustível iha Pertamina Internasional Timor S.A, sexta semana ne’e iha salaun enkontru bilateral MNEC.

Durante enkontru reprezentante Instituisaun relevante sira  diskuti kona-ba Kestaun Legalidade, Tékniku, Planu Urbanu no Risku Ambientais husi implementasaun projetu refere.

Iha intervensaun Komisáriu Ezekutivu Servisu Korporativu EDTL,E.P Sr. Humberto Pereira, husu Pertamina Internasional hanesan parseiru estratégiku ida hodi fornese mina EDTL,E.P.

“EDTL,E.P hanesan uzuáriu kombustível husi Pertamina Internasional, ne’ebé fornese kombustível ba Sentrál Eletrika Komoro no Ataúro, tanba ne’e ami nia parte laiha asuntu ruma atu diskute, maibe ami husu nafatin atu garante fornesimentu hodi labele fo impaktu ba distribuisaun enerjia ba komunidade sira”.

Enkontru ne’e lidera husi Diretór Nasionál MNEC Sr. Nuno A. M. M. Alves, no partisipa husi representante husi Ministériu Obras Públika, MPO, Ministériu Negósiu Entrangeirus no Kooperasaun, ANPM, Terras e Propriedades, Komisáriu Ezekutivu Servisu Korporativu EDTL,E.P Sr. Humberto Pereira, , Representante husi Autoridade Transporte Marítima no Pertamina Internasional.

Média, EDTL,E.P

Comments ( 0 )

Leave a Comment

Your email address will not be published. Required fields are marked *