Díli, 22 Novemberu 2022: Komisáriu Ezekutivu Servisu Tékniku EDTL,E.P Eng. Latino Jerónimo hamutuk ho Diretór sira partisipa iha semináriu kona-ba performansia fornesimentu enerjia elétrika, ne’ebé organiza husi Autoridade Nasionál Eletrisidade Institutu Públiku (ANE, I.P) iha Salaun Enkontru JL Vila, Tersa-semana ne’e. Objetivu husi semináriu ne’e, aprezenta rezultadu fiskalizasaun implementasaun téknika ANE, I.P nian ba instalasaun baixadas iha Timor-Leste periodu 2022.

Iha diskursu Prezidente ANE, I.P. Dr. Eng. Ruben Jerónimo Freitas hatete, fiskalizasaun ne’e ekipa fiskalizador ANE, I.P halo koana-ba implementasaun téknika ka instalasaun ba ligasaun foun monofaziku, trifaziku no trafo espesiál iha Munisipiu Díli, Baucau, no Viqueque ne’ebé perante ba matadalan fiskalizasaun tarifa no instalasaun ba konsumidor baixa tensaun iha Timor-Leste.

“Rezultadu fiskalizasaun ne’e hatudu Empreza fornesedor EDTL,E.P halo alterasaun potensia/MCB ho nia prosedimentu no tarefas tuir duni regulamentu ne’ebé sumariza iha matadalan fiskalizasaun ANE, I.P nian. maske nune’e iha kestaun tékniku balu ekipa tékniku sira husi EDTL,E.P la halo tuir bainhira halo koneksaun fiu ateramentu (gounding) ho kores latuir padraun, nune’e mos intalasaun kontador prepagu ho nia altura balun la tuir manuál”.

Komisáriu Ezekutivu Servisu Tékniku EDTL,E.P Eng. Latino Jerónimo konsidera rezultadu fiskalizasaun ne’ebé ANE, I.P aprezenta ne’e importante tanba bele rekomenda pontu importante sira ne’ebé EDTL,E.P presiza hadia.

“Apresia tanba primeira-vez iha Intituisaun ida ne’ebé responsavél ba sertifikasaun servisu EDTL,E.P nian, fasilita dadus hodi hadiak liu-tan servisu liu-liu pontus rekomendasaun sira hanesan; Fiskalizasaun Baixa Tensaun, Eleiminasaun Konesaun Direita (Ilegal) no Kualidade Fornesimentu Enerjia Elétrika, espera-que rekomendasaun hirak ne’e sai hanesan matadalan atu hadiak liu-tan kualidade fornesimentu enerjia elétrika ba komunidade sira.”

Enkuantu ekipa ANE, I.P mos rekomenda pontu importante balu ne’ebé identifika durante hala’o fiskalizasaun iha terenu, no husu ekipa tékniku sira atu utiliza Personal Protective Equipment (PPE), uniformizasaun ba instalasaun kontador prepagu, alterasaun potensia (MCB), sosializa SOP no Instrusaun Servisu.

 

Média EDTL,E.P