Díli, 14 Dezembru 2022: Prezidente Komisaun Ezekutiva  EDTL,E. P Dr. Paulo da Silva kuarta-feira ne'e, partisipa iha sermónia lansamentu bá Iha Lansamentu  "Preparasaun bá Kapasitasaun bá Instalasaun No Manutensaun   Solar PV iha Timor-Leste", iha salaun enkontru JL Villa, Aimutin-Díli

Projetu refere finansia husi GCF (Green Climate Fund), sei implementa husi The Energy and Resources Institute (TERI) no foka bá fortalesimentu efetividade utilizasaun solar PV bá komunidade sira iha área rurál iha Timor-Leste, inklui treinamentu bá instalasaun no manutensaun bá solar PV, nune'e hodi halo tranzisaun ba setór enerjia ne’ebé menus-karbonu no konstrui  forma dezenvolvimentu sustentável no reziliente bá klima.

Hafoin lansamentu projetu refere Dr. Paulo da Silva sai hanesan  panelista bá diskusaun "Asesu Solar PV bá eletrisidade iha Timor-Leste: planeneamentu implementasaun, kapasidade instalasaun, dezafiu no oportunidade" (Solar PV for access to electricity in Timor Leste: planning, implementation and capacity building, challenges & oportunities).

Partisipa iha aktividade  ne'e Prezidente Konsellu Administrasaun EDTL, E.P Dr. Paulo da Silva, Prezidente ANE, I.P Eng. Ruben Jerónimo Freitas, Sra. Clara Landeiro UNEP-CTCN Regional Manager, Asia-Pacific, Sr. Shirish Garud hanesan Diretór Instituto Rekusus Enerjétiku (TERI/The Energy and Resources Institute) no reprezentante husi instituisaun relevante sira.

Média, EDTL, E.P