Díli, Janeiru 2023: Prezidente Komisaun Ezekutiva EDTL, E.P Dr. Paulo Da Silva akompaña husi Diretór Rede Transmisaun Eng. Egídio N. S. Soares hala’o vizita ba sub-estasaun Camea-Díli, hodi observa ekipamentu sira ne’ebé instala iha sub-estasaun Camea ne’ebé antes ne’e halo ona manutensaun (troka) husi kompaña CNI22.

Ekipamentus hirak ne’e hahu instala iha sub-estasaun Camea iha tinan 2011, hafoin transforma EDTL husi Diresaun Geral bá Empresa Pública, EDTL, E.P identifika kedas ekipamentu sira iha sub-estasaun sia (9) iha teritóriu nasionál, hafoin ne’e iha 2022 liu-husi kompaña CNI22 halo manutensaun no troka ekipamentu hirak ne’e iha sub-estasaun sira.

Ekipamentu hirak ne’ebé EDTL, E.P troka mak hanesan monitor hamutuk rua no dadaun ne’e isntala ona hodi fasilita tékniku sira motoriza tansmisaun enerjia iha sub-estasaun sira.  Alende ne’e Bateria no Rectifier, kada sub-estasaun sei uja Bateria ho voltagem 2,2V ho total hamutuk 152 unidade, nune’e bele garante fornesimentu enerjia elétrika ba kliente sira.

Enteretantu Dr. Paulo da Silva observa mos servisu perparativus ba instalasaun transformador ho kapasidade 40 NDA iha sub-estasaun Camea, hodi reforsa fornesimentu enerjia elétrika iha kapitál Díli.

Lider máximu EDTL, E.P ne’e enkoraza téniku timor-oan sira ne’ebé servisu iha sub-estasaun refere, atu aprende liu-tan nune’e iha futuru sira rasik mak sei jere direta sub-estasaun no NDC.

 

Média, EDTL, E.P