Iha loron 03 fulan Janeiru 2023, Komisaun Ezekutiva EDTL,E.P. halao enkontru ho dirijente husi nasionál hodi apresenta estrutura foun ba tinan 2023 nian, iha salaun Kaikoli Dìli.

Iha intervensaun Presidente CE Dr. Paulo da Silva hatene katak mudansa ne'ebé halo haree ba nesesidade empreza nian hodi bele halo servisu di'ak liu tan. Husi atu kada dirijente husi departamentu ida-idak atu jere didiak rekursu atu servisu di'ak no produtivu liu tan. Agradese mós ba hotu-hotu nia kontribuisaun ba tinan 2022, EDTL bele ultrapasa progresaun ba rekolla reseita nian. Ne'ebé iha tinan 2022, konsege atinji 48.36 millaun dólar amerikanu. Husu atu kontinua serbisu hodi atinji mós ba meta tinan ida ne'e nian ho esperansa rekolla 60 millaun dólar amerikanu.

  Komisáriu Ezektuivu Servisu Tèkniku EDTL E.P. Eng. Latino Jerònimo  mós apela ba hotu-hotu atu servisu ho ekipa no  iha nafatin komunikasaun di'ak entre dirijente sira ho funsionariu sira hotu atu nune'e bele atinji ba meta ne'ebé iha. 

Iha biban ne'e mós dirijente foun nomos dirijente ne'ebé mak kontinua sira nian knaar agradese ba konfiasa husi Komisaun Ezekutiva no hatene katak ne'e hanesan responsabilidade boot no sé kontinua servisu ho ekipa hodi bem instituisaun nian.

Ikus liu Sr. Prezidente husu atu hotu-hotu esforsu hodi servisu ho lalais, ho kualidade no seguru, fó mós atensaun makas no rigorosu liu tan iha kualker asaun ne'ebé mak foti. Agradese ba pasìensia no dedikasaun durante ne'e hodi kontinua garante asegura fornesimentu enerjia bà públiku.