Díli, 28 Dezembru 2022: Membru Konsellu Administrasaun hala'o enkontru ordinária hodi diskute planu programa EDTL, E.P nian ba tinan 2023. Planu ne'ebé apresenta hanesan planu rekrutamentu, aprovisionametu no planu asaun anual ba empreza nian.

 

Presidente Konsellu Administrasaun, Dr. Paulo da Silva hatete katak planu hirak sei ezekuta bazeia ba nesesidade husi instituisaun nian.

 

Iha biban ne'e mós, Xefe PMU Natércio dos Santos, relata kona-ba progresu projetu eletrifikasaun ne'ebé mak durante ne'e EDTL, E.P promove liu-husi tenderizasaun no intervensaun direta husi ekipa téknika EDTL, EP nian, hodi aumenta rasiu ba asesu eletrisidade ba nivel suku ne’ebé atinji ona 91%.

 

Alende ne'e Komisáriu Ezektuivu Servisu Tékniku, Eng. Latino Jerónimo, atualiza progresu ezekusaun kontratu supply no instalasaun transformador ba Sub-estasaun Camea nian, ne'ebé urjensia atu asegura fornesimentu enerjia elétrika liu-liu iha kapitál Dili.

 

Média, EDTL, E.P