Ahik, 14 Janeiru 2022: Prezidente Eletricidade de Timor-Leste, Empresa Pùblica, (EDTL, E.P.) Dr. Paulo da Silva, Prezidente ANE.I.P. Dr. Ruben Jerónimo Freitas hamutuk ho Autoridade Lokal ofisialmente halakan eletrisidade bá komunidade sira iha suku Ahik, Sabadu ne’e (14/01/2023).

 

Xefe Suku Ahik Sr. Ersilio Soares Hodi komunidade suku Ahik no Dilor nia naran hato'o apresiasaun no agradesimentu wain bá S.E Primeiru Ministru General Taur Matan Ruak ne'ebé ohin loron liu-husi empreza estatal EDTL dada ona eletrisidade mai suku Ahik.

“Ami komunidade iha suku ne’e hahu kedas tempu Portugues to'o tinan 2022 la asesu enerjia elètrika, maibè iha tinan 2023 ami bele asesu ona eletrisidade.”

 

Iha intervensaun Prezidente ANE, I.P partillã kna’ar ANE, I.P nian iha setór eletrisidade. “ANE, I.P. hanesan autoridade regulador iha papel importante tebes atu regula servisu husi empreza fornesedor enerjia elétrika EDTL, E.P, inklui mos regula servisu husi kompañia sira ne’ebe implementa óbra. Alende ne’e kongratula EDTL, E.P no Kompaña ne’ebè implementa obra nomos komunidade hotu ba susesu ida ne’e”.

 

Prezidente Komisaun Ezekutiva EDTL, E.P hato'o Parabéns bá komunidade suku Ahik, tanba hotu-hotu nia kontribuisaun no suporta ohin EDTL, E.P ofisializa halakan eletrisidade iha suku ne’e.

 

“Husu ba komunidade sira atu uza enerjia ho didiak no tau matan bà obra sira ne'e hotu. Kontinua servisu hamutuk ho EDTL, E.P bainhira Ai-ruma monu kona liña distribuisaun husu atu informa direta bà Tékniku EDTL hodi halo intervensaun lalais”.

 

 

Iha biban ne’e mos Dr. Paulo hato’o mensajen S.E Primeiru Ministru General Taur Matan Ruak  nian ba komunidade sira.

"hato'o Parabèns no hakuak boot bà Populasaun iha Dilor no Ahik, kontente hamutuk ho imi hotu ne'ebè ohin loron ba da-lauluk asesu bà enerjia elètrika.”

 

Projetu Eletrifikasaun Nasionál (PEN) implementa husi kompaña Uaitau Unip.Lda JV Oulale Unip.Lda.

 

Média, EDTL, E.P