Díli, 06 Janeiru 2023: Prezidente Komisaun Ezekutiva EDTL, E.P Dr. Paulo da Silva halo enkontru ho SE Ministru Justisa Dr. Tiago Amaral Sarmento hodi diskute hamutuk kona-ba estatutu rai ne’ebé Governu atribui bá Eletrisidade de Timor-Leste, Empresa Pública (EDTL, E.P) hodi halo instalasaun planta Enegia Solar-PV 72MW ho modalidade IPP (Independent Power Producer / Produtór Enerjia Independênte) iha área Manatutu, iha Edifísiu Ministériu Justisa, sexta-feira 06/01/2023.

Durante enkontru Dr. Paulo da Silva aprezenta kestaun espasu EDTL, E.P nian ne’ebé dadaun ne’e públiku okupa, alende ne’e kordendena mós ho S.E Ministru Justisa kona-ba atribuisaun rai iha munisipíu Manatuto ba EDTL, E.P hodi hari planta Enegia Solar 72MW.

Hatan ba kestaun ne’e S.E Ministru Justisa, Dr. Tiago Amaral Sarmento hatete kona-ba asuntu refere S.E Ministru sei halo desizaun iha tempu badak.