Soikili 20 Dezembru 2022 : Prezidente Eletrisidade de Timor-Leste, Empresa Pública (EDTL,E.P.) DR.Paulo da Silva akompaña husi Ekipa tékniku G-JPITV  EDTL,E.P. Xefe Unidade Distribuisaun EDTL Munisípiu Lautem  hamutuk ho autoridade lokal ofisialmente  halakan eletrisidade ba komunidade sira iha Aldeia Soikili , Suku Parlamentu Postu Administrativu Moru, Munisipiu Lautem, liu-husi Projetu Eletrifikasaun Nasionál (PEN), pakote 44.

Iha intervensaun DR. Paulo da Silva  husu ba komunidade sira  uza eletrisidade ho kuidadu, seguru. Uza  enerjia banhira presiza ,hodi nune’e poupa eletrisidade . No husu bá komunidade atu labele halo intervensaun direita, tamba sei fó risku bá nia vida rasik. Aleinde neé DR. Paulo mós hateten   bá Aldeia Soikili EDTL  fó oportunidade uza eletrisidade  gratuita to'o fulan neen (6), depois tékniku sira sei mai halo sosialiazasaun no foin monta kontador. Monta kontador ne’e ho objetivu atu ajuda ita regulariza ita uja eletrisidade Atu ahi lakan nafatin, hotu-hotu kontribui hamutuk hodi garante fornesimentu eletrisidade. Ikus Liu Dr. Paulo da Silva hato’o agradesimentu bá Autoridade Lokal, Komunidade no ne’ebé mak apoiu máximu  bá kompaña no EDTL  hodi  projetu implementasaun lao ho susesu hodi ohin loron ofisialmente halakan Ahi iha Aldeia Soikili Rasik.

Iha tempu  hanesan Xefi Suku Parlamentu  Sr. Angelo Galvao hateten “  kontente orgullu no apresia ba EDTL ne'ebé foti desizaun hodi aldeia  Soikili ohin bà oin ahi naroman ona, durante okupasaun Portuguesa to'o ukun rasik An, Komunidade   la assesu ba enerjia elètrika, maibè ohin loron ami hetan ona naroman eletrisidade nian.  Suku Parlamentu kompostu husi Aldeia lima(5)  ho total populasaun hamutuk Rihun Tolu (3000) ne'ebè mak asesu ona eletrisidade.

Obra ne’e implementa husi Kompaña Black Bird Unip.Lda. husi Programa Eletrifikasaun Nasionál (PEN) pakote 44 hodi halo instalasaun foun iha aldeia Soikili Postu Administrativu Lautem,  husi Moru to'o Soikili ho distànsia  7KM  ho total orsamentu  hamutuk  $383,000 Dollares Americano.