Oswala 22  Dezembru 2022: Prezidente Komisaun Ezekutiva EDTL,E.P. Dr. Paulo da Silva ho Komitiva hamutuk ho Autoridade lokal  ofisialmente halakan eletrisidade bá komunidade sira iha iha suku Oswala postu administrativu Vemasse Munisípiu Baukau. 

Iha intervensaun Prezidente Komisaun Ezekutiva EDTL,E.P.  DR.Paulo da Silva hato'o parabéns   no orgullu boot ba komunidade hotu. Bá VIII Governu ne'ebé lidera   ho  problema barak, iha nia governasaun  hasoru maibé ho lideransa SE Taur Matan Ruak  hamutuk bele ultrapassa  liu husi Asaun ba SE Ministro das Obras Públicas no bá EDTL hodi fó prioridade ba suku sira ne'ebé seidauk asesu ahi. Agradese ba hotu-hotu, ba parseira EDTL nian maske sira hasoru problema barak maibé ohin finaliza duni Servisu eletrisidade ne'e, laos hanesan EDTL nian deit maibé hotu-hotu nian.

SE PM Taur Matan ruak Hato’o  mós agradesimentu  bá suku Oswala kumprimentus no hakuak boot bá Nai Xefe Suku, Autoridade Lokal no komunidade bá servisu hamutuk  hodi Suku Osowake assesu eletrisidade. 

  EDTL hafoin transforma husi diresaun ba EP simu kedas orientasaun husi  Governu   ne’ebé  hodi atu konklui projetu PEN iha Timor ne’ebe falta 15% , kobre suku 59 iha Timor Leste mak sedauk asesu eletrisidade. Saida mak EDTL halo mak fahe servisu ba Faze Haat hanesan:

1. Pakote 34 kobre  23 sukus

2. Pakote 44 kobre 17 sukus

3. Pakote 36 kobre 23 sukus

4. Ikus liu suku 3 ne’ebé EDTL foin promove mak Suku  Fatukalu, Same, suku Nanu’e Suai, Fatumakerek iha Manatuto.

Ho ida  ne’e EDTL konklui ona  prosesu  ba Nivel Suku  iha teritóriu tomak, besik tinan rua nia laran EDTL promove projetu  besik duzentus e tal husi projetu ne’e EDTL loke konkursu tomak, halo esforsu hotu no maioria parte konklui ona, too fim dezembru a nivel suku 91%  assesu enerjia elétrika, hela 9% EDTL koko konklui iha primeiru trimeste iha tinan 2023. Esforsu ne’ebe EDTL halo hodi garante  bá Metas VIII Governu nian liu-liu iha setor enerjétiku, garante assesu enerjia elétrika a nivel Suku.  Bá Aldeia sira ne’ebé seidauk assesu, EDTL iha programa ida bolu projetu komunitáriu, ne’ebe EDTL sei servisu hamutuk ho komunidade hodi aselera instalasaun eletrisidade bá sira nia aldeia rasik ne’ebe seidauk asesu. No husu bá autoridade sira atu hatama proposta  bá Aldeia sira no ba sira ne’ebé hela iha áreas mais remotas, EDTL  hatama iha planu no distribui Panel solar bá sira. Tinan ida ne’e EDTL fornese Solar panel hamutuk  1091 unidades bá uma, espera iha aldeia Baukau mós sei benefisia husi programa ne’e.  Bá sira ne’ebé assesu ona enerjia tenke uja ho didiak, se ita loke ahi iha tempu loron nia sei afeta bá durasaun lampu ne’e rasik, no sei afeta ba ita nia sentral Betano no Hera. Husu atu kontribui nafatin ho EDTL, kontaktu direta bá tekniku EDTL hodi halo intervensaun lalais wanhira iha fallansu ruma.

Nai Xefe Suku hodi komunidade nia naran hakarak hato'o agradesementu no Louva  bá VIII Governu Konstituisional  ne’ebé lidera husi SE Taur Matan Ruak, tamba komunidade Osowala  durante tinan barak la hetan  naroman eletrisidade, maibé  ohin loron hetan ona sira nia direitu bá asesu eletrisidade.

Obra ne’e implementa husi kompaña  Chacailala Unip,Lda JV Edelweiss Unip Lda ho distánsia MT 7,025 Kms, BT 8,5Kms ho durasaun fulan lima(5)