Osowailale  22  Dezembru 2022: Prezidente Komisaun Ezekutiva EDTL,E.P. Dr. Paulo da Silva ho Komitiva hamutuk ho Autoridade lokal  halo inagurasaun ba projetu eletrifikasaun nasional (PEN)  iha suku Osowailale postu administrativu Venilale Munisípiu Baukau.

Iha Intervensaun Dr. Paulo da Silva hateten  katak  partisipasau máximu komunidade iha suku Osowailale  makaas tebes iha serimónia ohin loron nian ne’e hatudo katak   esforsu hotu ne’ebé  EDTL itaboot sira rekoñese ami orgullu tebes. Ho prezensa itaboot sira nian reafirma imi nia kontribuisaun  bá iha dezenvolvimentu Nasional.

 Dr. Paulo mós Partilla  bá komunidade sira menssagem husi SE PM   “ SE PM General Taur Matan Ruak kontente tamba haree Populasaun  kontente primeira vez assesu  bá naroman eletrisidade nian ”.  Kontente tamba iha ninia governasaun iha dezafius barak ne’ebé nia infrenta,maibé iha aktividade  barak mós konsegue implementa  hodi kontribui bá inan-aman sira nia kontente,  hato’o komprimentus bá  Xefe do Suku, autoridade lokal no komunidade sira, SE PM mós hateten loron ida nia sei mai vizita suku Osowailale.

DR. mós informa bá komunidade sira kona-ba Knaar EDTL,E.P. hanesan  empresa Pública, tinan kotuk governu hahu muda diresaun geral bá iha empresa públiku  hodi atu kompleta projetu eletrifikasaun  iha Timor ne’ebe falta 15% , kobre suku 59 iha Timor Leste mak sedauk asesu eletrisidade. Hodi nune’e  EDTL  implementa projetu eletrifikasaun nasionál ba Faze Haat hanesan:

1. Pakote 34 kobre  23 sukus

2. Pakote 44 kobre 17 sukus

3. Pakote 36 kobre 23 sukus

4. Ikus liu suku 3 ne’ebé EDTL foin promove mak Suku  Fatukalu, Same, suku Nanu’e Suai, Fatumakerek iha Manatuto. Bá suku sira seluk konstrusaun  lao hela no balun   finaliza ona inklui suku Osowailale ne’e rasik.

Espetativa EDTL nia fim dezembru  antes  tinan foun pelu menus  91%  a nivel suku assesu ona enerjia elétrika. Suku sira seluk iha prosesu implementasaun nia laran ho progresu fíjiku atinje ona 80%, 60%   espera iha fulan 3  dahuluk iha tinan oin nian bele konklui atu nune’ populasaun sira seluk mós assesu ona ahi. Bá Aldeia sira ne’ebé seidauk assesu, EDTL iha programa ida bolu projetu komunitáriu, ne’ebe EDTL sei servisu hamutuk ho komunidade hodi aselera instalasaun eletrisidade bá sira nia aldeia rasik ne’ebe seidauk asesu. Husu nafatin  kontribuisaun  husi komunidade nian  atu uja eletrisdade ho didiak, Seguru no responsabilidade.

Aleinde prezidente hateten  bá Suku Oswailale EDTL EP sei fó gratuita hodi uja eletrisidade gratuita durante fulan 6,  hafoin ne’e EDTL sei monta kontador prepagu nune'e komunidade suku mós bele kontribui selu eletrisidade, hodi garante nafatin fornesimentu enerjia elétrika. Hatan bá preokupasaun bá xefe suku ne’ebé hateten katak falta uma-kain Ualu mak seidauk assesu,  ekipa tékniku EDTL sei foti levantamentu, no banhira sasan tama ona iha armazem kaikoli EDTL sei halo intervensaun direita.

 Xefe do suku hateten : Sente kontete tebes, hau nia komunidade durante 24 anos iha nakukun laran, foin ohin loron asesu ba eletrisidade. Suku Osowake kompostu husi aldeia tolu ne’ebé mak assesu hotu ona bá eletrisidade hanesan :  aldeia Builale, aldeia Lobinunu, no Aldeia Osowake.  Hato’o mos orgullu no apresia bá 8 governu nia planu hodi dada eletrisdade mai ami nia fatin.

Suku Osowailale ho total uma-kain hamutuk 11804 ne’ebé mak assesu ona eletrisidade no hela deit uma kain ualu(8) mak seidauk, husu atu EDTL atu halo intervensaun direita hodi sira mós assesu bá eletrisidade.