Díli, 16 Fevereiru 2023: Komisáriu Ezekutivu Servisus Koorporativus EDTL, E.P Sr. Humberto Pereira, akompaña husi Diretóra Finansas no Komersial EDTL, E.P Sra. Idrishyiah Sagran, Kuarta-feira ne’e partisipa iha aprezentasaun proposta investimentu privadu husi empreza Yieldplay Energy Lizu, Lda, ne’ebé reprezenta husi Sr. Inacio Morreira no Sr. Francisco Lay iha salaun enkontru TradeInvest, Díli.

Liu-husi asistênsia TradeInvest Timor-Leste, Empreza Yieldplay Energy Lizu Lda, iha interese atu investe iha setór enerjia renovável ne’ebé foku liu-ba solar panel ho nia kapasidade mínimu 30 MW to’o 100 MW, ho presu rekorde baixu $0,06 por kWh iha eskala de utilizasaun solar PV, ho total kapitálunvenstimentu hamutuk Milliaun U$35 to’o Milliaun U$ 50.

Atividade refere lidera husi Diretór Ezekutivu TITL Sr. Arcanjo da Silva no partisipa husi Komisáriu Ezekutivu Servisus Koorporativus EDTL, E.P ho ekipa, SERVE, I.P, reprezentante MCAE, MOP, Autoridade Auduaneira no instituisaun relevante sira.

Média, EDTL, E.P