Díli, 01 Fevereiru 2023: Membru Konsellu Administrasaun, Eletrisidade de Timor-Leste, Empresa Pública, tersa-feira ne’e, hala’o enkontru ordináriu hodi diskuti programa no orsamentu ba tinan 2023, alende ne’e halo mos avaliasaun ba progresu ka atinjimentu rásio eletrifikasaun nasionál ne’ebé durante ne’e implementa.
Durante enkontru Presidente Konsellu Administrasaun EDTL, E.P, Dr. Paulo da Silva, aprezenta progresu estudu solar PV no preparative loke prosesu tenderizasaun hodi implementa projetu refere iha Munisípiu Manatuto.
Iha biban ne’e, Diretór Planeamentu no Sistema Elétriku, Sr. José Fernandes hatete, durante tinan rua nia laran EDTL, E.P konsege hasa’e rásio eletrifikasaun iha nível suku, ho porsentu 91%.
Ba aldeia 391 ne’ebé sedauk asesu eletrisidade, iha tinan ne’e EDTL, E.P sei implementa liu-husi Programa Eletrifikasaun Komunitária inklui instalasaun Solar Painel ba area remota sira.
Média, EDTL, E.P
Comments ( 0 )