Díli, 15 Marsu 2023: Prezidente Komisaun Ezekutiva EDTL, E.P Dr. Paulo da Silva, simu vizita kortejia husi ekipa Parséiru ba Infraestrutura (Partnership for Infraestructure-P4I) husi Programa Rejionál Austrália nian ba Infraestrutura (Australia's Regional Infraestructure Program - ARIP) Embaixada Austrália ne'ebé lidera husi Sr. Nam Lee, iha Gabinete EDTL, E.P, Kaikoli, Díli.
Vizita refere objetivu atu hatene kle'an kona-ba dezenvolvimentu no polítika Governu Timor-Leste nian iha setór enerjia renovável no kontribuisaun Governu Australia liu-husi programa P4I ba dezenvolvimentu enerjia renovável, nune’e bele hametin liu-tan kooperasaun entre Australia no Timor-leste iha área enerjia nian.
Austrália nia misaun liu-hosi P4I iha área enérjia renovável nu'udar parte ida husi kooperasaun entre ho Timor-Leste no Austrália ba reziliénsia ekonômia no apoiu ba diversifikasaun ekonomia tuir tuir programa ne’ebé asenta ona iha P4I nian vizita dahuluk mai Timor-Leste, iha tinan kotuk, liu-husi audiensia autoridade kompetente no parte interesesadu sira iha área enerjia renovável ninian, hodi identifika nesesidade sira liga ho prosesu dezenvolvimentu energia renovavel iha Timor-Leste ho propózitu atu partilla rekomendasaun no mos realizasaun atividade ne’ebe Australia bele implementa liu husi programa P4I no PROSIVU.
Média, EDTL, E.P
Comments ( 0 )