Manufahi 10 Marsu 2023: Eletrisidade de Timor-Leste, Empresa Pública (EDTL, E.P.) liu husi tékniku produsaun energia renovavel hamutuk ho kompaña SM Bark hahu halo instalasaun Solar Paneis bá komunidade iha area rural, iha Aldeia Manehat, Aldeia Tiro no Aldeia Nalolo Suku Clacuc, postu Administrativu Fatuberlihu munisípiu Manufahi.

Molok halo instalasaun solar Panel, ekipa EDTL, E.P. fahe informasaun bá komunidade iha suku refere, kona-ba vantazem no benifísiu husi Solar-Panel.

Iha biban ne’e, EDTL, E.P husu atensaun ba kliente sira atu uza Painel Solar ho kuidadu, responsabilidade atu nune’e bele uja Painel Solar ne’e ho tempu naruk. Hafoin ne’e, halo kedas termu entrega ba autoridade suku , no ekipa tékniku EDTL, E.P ho kompaña SM Bark halo kedas instalasaun Painel Solar ba kliente sira.

Komunidade sira Agradese bá EDTL, E.P. ne’ebé mak konsegue ona lori eletrisidade mai sira ne’ebé mak hela iha área rural durante tinan naruk nia laran la asesu eletrisidade, ohin sira hetan sira nia direitu ba enerjia.

Enkuantu instalasaun Painel Solar ne’e iha, suku Clacuk, Aldeia Manehat, Aldeia Tiro no Aldeia Nalolo, total uma-kain hamutuk haatnulu resin-rua (42).

Fornese Painel Solar hanesan parte ida husi programa VIII Governu Konstitusionál liu husi Ministériu Obras Públikas no EDTL, E.P. hodi fornese solar panel ba komunidade iha área rural, ne'ebé difísil tebes asesu ba liña eletrisidade ba iha tempu naruk.

Média EDTL, E.P.