Betano, 13 Marsu 2023: Komisáriu Ezekutivu Servisu Tékniku EDTL, E.P. Eng.Latino Jerònimo hala'o vizita traballu bà Sentràl Elètrika, Betano.

Objetivu husi Vizita mak Eng.Latino halo observasaun bá Fasilidades no funsionamentu iha sentral elétrika Betano no rona progresu servisu sira husi Tékniku EDTL. E.P no kompaña Internasionál Wartsila ba servisu operasaun no manutensaun iha sentrál elétrika refere.

Hafoin Vizita Komisàriu Tèkniku Partilla informasaun bà Tèkniku sira, bazeia bà relatòriu husi Kompaña Wartsila bà CE EDTL.E.P. katak koñesimentu Tèkniku nian bà servisu operasaun iha sentrál Hera no Betano diak, maibè bà iha Servisu manutensaun nian atinjimentu bà koñesimentu foin to'o 40-60%, maske manutensaun la fasil, maibè EDTL fasilita, iha tinan kotuk liu ba, formasaun ba tékniku sira iha Indonesia, hodi aumenta tan sira nia abilidade no kapasidade, nune'e husu atu kontinua aprende nafatin, wainhira iha difikuldade husu bà ekipa Wartsila labele moe no iha egoísmu. Tamba iha Futuro mai Timor oan rasik mak sei jere Sentràl Betano no Hera.

Alende ne’e, husu bà Tèkniku Produsaun atu servisu hamutuk ho distribuisaun hodi halo kontrulu bà komunidade sira ne'ebè uza enerjia illegal hodi informa ba sira atu sira bele halo intervensaun lalais, EDTL, E.P. ne'e responsabilidade ita hotu-hotu nian, atu nafatin garante fornesimentu enerjia elétrika bà kliente sira.

Iha biban ne’e tékniku sira relata mòs difikuldade ne’ebè durante ne'e sira hasoru, no sira husu bà CE EDTL.E.P. atu kontinua fasilita sira tuir formasaun/treinamentu bà software sira atu nune'e bele aumenta liu tan sira nia koñesimentu no abilidade.

Media, EDTL, E.P