Díli, 09 Marsu 2023: Komisáriu Ezekutivu Servisu Koorporativu, Eletricidade de Timor-Leste, Empresa Pública (EDTL, E.P), Sr. Humbertu Pereira, akompanña husi Diretora Finansas e Komersial, Diretora Rekursu Humanu no Xefi Divizaun TIC, Kinta-feira ne’e partisipa aprezentasaun produtu Internet Banking husi Banku Mandiri, iha salaun enkontru PCE-EDTL, E.P, Caicoli, Díli.

Hafoin aprezentasaun, ekipa Banku Mandiri oferta produtu refere ba EDTL, E.P, nune’e bele uza hodi hafasil jerensia ba tranzasaun finanseiras empreza nian, tanba klientes bele uza iha kualker momentu, bainhira asesu liu-husi servisu internet.

Enkuantu, Komisáriu Ezekutivu Servisu Koorporativu, Sr. Humbertu Pereira agradese ekipa ne’ebé aprezenta ona produtu internet banking, maske nune’e EDTL, E.P sei diskuti hamutuk iha nivel konsellu administrasaun bainhira atu utiliza produtu refere.

Internet banking hanesan produtu Ekonômiku, lukrutivu no seguru, objetivu servisu Internet banking, atu realiza tranzasaun finanseiras, informasoens jerais de konta, transferênsia, pagamentus, kompras, administrasaun, informasaun no atividade komersiais seluk.

 

Média, EDTL, E.P