Manufahi, 15 Marsu 2023: Komisáriu Ezekutivu Servisu Tékniku EDTL, E.P. Eng. Latino Jerónimo akompaña husi Supervizor Jestaun Projetu Inspesaun Téknika no Verifikasaun, Sr. Natercio inklui Xefi Unidade Distribuisaun Manufahi Sr. Julio P. Soares, Tersa-semana ne’e, hala’o observasaun direta ba projetu eletrifikasaun komunitária ne'ebé, implementa iha Same-Villa to'o Suku Rotuto ho distánsia kilómetru 22.

 Obra ne'e promove husi EDTL. E.P hamutuk komunidade sira, implementa liu-husi programa eletrifikasaun komunitária.

 Enkuantu, EDTL. E.P finaliza ona instalasaun liña iha trafo primeiru ho distánsia 3.800 KMC no dadaun ne’e halakan ona eltrisidade ba komunidade uma-kain 118 iha Aldeia Kotalala, tuir estimasaun, iha tempu besik sei halakan trafo sira seluk.

 Implementasaun programa eletrifikasaun komunitária iha área refere kontinua lao, tékniku EDTL, E.P apoiu husi komunidade sira kontinua instala liña eletrisidade ba Suku Rotuto.

Média, EDTL, E.P