8001000 / 3339258

Projetu Eletrifikasaun Nasionál Iha Suku Aituha Konkluidu, Benifisiáriu Uma-Kain 183 Asesu Eletrisidade

Projetu eletrifikasaun iha Suku Aituha ho distânsia MT 6,25Kms BT 6,35Kms no instalasaun Tranformafor 50KVA Unidade 2 ho total orsamentu Dólar Amerikanu $ 360,016,34.

Alas, 18 Abril 2023: Eletricidade de Timor Leste, Empresa Pública (EDTL, E.P) akompaña husi Xefi Unidade EDTL, E.P Munisipiu Manufahi, hamutuk ho Administrador Postu Alas Sr. Franco Da Costa no Autoridade Polisia Postu Alas, Tersa-feira ne’e, ofisialmente halakan ona eletrisidade ba komunidade uma-kain 183 sira iha Suku Aituha, liu-husi Projetu Eletrifikasaun Nasionál (PEN) pakote 44.


Administrador do Postu Alas Franco Da Costa agradese ba esforsu Governu Da-ualu ne’e lideradu husi S.E Primeiru Ministru Jeneral Taur Matan Ruak, liu-husi EDTL, E.P ohin loron halakan ona eletrisidade ba komunidade sira iha Suku Aituha ne’ebé kompostu husi aldeia rua hanesan, Leo dato, Rai Kesa, ho total uma-kain 183 no populasaun kuaze rihun ida.


Vise-prezidente EDTL, E.P Sr. Humberto Pereira hatete EDTL, E.P aselera dada liña eletrisidade liu-husi implementasaun programa eletrifikasaun dadaun ne’e konsege hasa’e rásio eletrifikasaun nivél suku atinji 94%, ne’ebé implementa iha 41 sukus. Iha mos programa eletrifikasaun komunitária ne’ebé implementa iha 291 aldeias no Solar Home Lighting System ba komunidade sira iha áreas remotas ne’ebé rejistadu hamutuk uma-kain 1091, husi númeru refere aldeia balu mak dadaun ne’e asesu ona enerjia elétrika.


Projetu eletrifikasaun iha Suku Aituha ho distânsia MT 6,25Kms BT 6,35Kms no instalasaun Tranformafor 50KVA Unidade 2 ho total orsamentu Dólar Amerikanu $ 360,016,34.


Enkuantu komunidade uma-kain atus ida ualunulu resin tolu iha Suku Aituha ne’ebé ohin asesu ona eletrisidade, EDTL, E.P autoriza uza gratuita durante fulan ne’en, hafoin ne’e tékniku sira sei halo instalasaun kontador pré-paga hodi kontribui ba taxa eletrisidade.


Média, EDTL, E.P

Comments ( 0 )

Leave a Comment

Your email address will not be published. Required fields are marked *