Dìli 20 Abril 2023: Prezidente Eletrisidade de Timor-Leste, Empresa Pública (EDTL, E.P) Dr. Paulo da Silva akompaña husi Ekipa tékniku G-JPITV EDTL, E.P no EDTL munisípiu Manatuto hamutuk ho autoridade lokal Kuarta-feira semana ne'e Halakan enerjia elétrika bá komunidade iha suku Fatumakerek, Munisípiu Manatuto.

Administrador Postu Soibada Agardese bà Prezidente EDTL.EP no estrutura tomak ne'ebè tau atensaun bà suku Fatumakerek, Samoro, no Manufahi ne'ebè iha àrea rural hodi hetan eletrisidade hanesan mòs ho suku sira seluk.

Xefe Suku Samoro hodi komunidade nia naran agradese bà Governu da Ualu liu husu EDTL, E.P. hodi lori naroman mai ami iha Suku Samoro, Fatumakerek, manufahi durante okupasaun indonezia la asesu enerjia elètrika, maibè ohin loron konsegue hetan duni naroman.

 

Prezidente Komisaun Ezekutiva EDTL, E.P Dr. Paulo da Silva hateten ohin marka istoria foun iha suku 3 hanesan (Fatumakerek, Samoro, no Manufahi) tanba povu hetan ona Naroman,durante tinan naruk nia laran moris deit iha nakukun laran. Ohin EDTL mai ofisialmente halakan eletrisidade Dr. Paulo mós husu bá komunidade hotu atu kontinua tau matan bá obra /ajuda halo kontrolu bá obra implementasaun ne’e, hodi dezenvolvimentu iha suku ne’e lao ho diak liu tan.

Aleinde EDTL, E.P Autoriza Suku Fatumakerek, Samoro no Manufahi EDTL EP sei fó gratuita hodi uja eletrisidade gratuita durante fulan 6, EDTL sei monta kontador prepagu nune'e komunidade suku mós bele kontribui selu eletrisidade, hodi sustenta kombustivel tanba jeradór iha sentru eletrika Betano no Hera gasta kombustivel ne'ebé bo'ot. Nune’e husu atu uja enerjia elétrika wainhira presiza.

No Ikus liu husu ba autoridade lokal sira atu hatama proposta ba aldeia sira ne'ebe mais remotas atu nune'e EDTL hatama iha planu hodi distribui solar panel ba komunidade hirak ne'e atu sira mos bele hetan naroman eletrisidade nian.

Implementasaun Projetu Eletrifikasaun Nasionál (PEN) pakote 34 iha Tasi-Fatin-Fatumakerek Postu administrativu Soibada, Munisìpiu Manatuto ho distânsia liña media tensaun (MT) 10,85KMS k no liña baixa tensaun (BT) 6,5KMS inklui instasaun transformador, óbra refere gasta orsamentu dolár amerikanu $ 510,624.00 no benifisia uma-kain 200. Enkuantu óbra ne’e implementa husi kompaña Rizena Oulale Unip. Lda.

Média EDTL, E.P