Lautem, 16 Abril 2023: Komisáriu Ezekutivu Servisu Tékniku, Eng. Latino Jerónimo ho komitiva hamutuk ho Autoridade lokal ofisiálmente halakan eletrisidade ba komunidade iha sub aldeia Lacao'o Suku Home Postu administrativu Lospalos Vila liu-husi programa eletrifikasaun Komunitária(PEK).

Xefe aldeia Lacao'o Sr. Josè sente kontente no agradese ba EDTL.E.P. ne’ebé aprova ona proposta ba implementasaun obra refere, durante tinan ruanulu (20) sira la asesu bà eletrisidade, maibè liu husi Programa PEK ohin komunidade uma-kain 16 mak asesu ona eletrisidade iha sub aldeia Lacao'o Suku Home, Postu administrativu Lospalos Vila, Munisípiu Lautem.

Iha intervensaun Eng. Latino Jerónimo hateten, Kontente Lòs wainhira rona EDTL atu halakan ahi iha sub aldeia Lacao'o , tamba la iha planu atu vizita no halakan eletrisidade iha aldeia refere, hato'o mos parabèns bà komunidade no EDTL. E.P Munisípiu Lautem liu husi kolaborasaun no servisu hamutuk nune'e ohin EDTL mai halakan ahi. Nia Akresenta tan katak EDTL.E.P. nia servisu mak lori ahi bà ema hotu-hotu nia uma, fò garantia bà kualidade enerjia no hasae reseitas.

Eng. Latino informa bà komunidade sira kona-ba utilizasaun enerjia elétrika ne’ebé kuidadu, seguru no responsabilidade.

“Uza enerjia elétrika tenke seguru nune’e labele prezudika vida, aman-inan sira labele halo ligasaun mesak tanba enerjia eletrika ne’e perigu, favor kontaktu tékniku EDTL, E.P bainhira presiza apoiu halo instalasaun foun iha uma".

Sub aldeia Lacao'o Suku Home, Postu administrativu Lospalos Vila, Munisípiu Lautem, foin asesu enerjia elétrika tanba neé Eng. Latino apela bà komunidade sira uza eletrisidade ho gratuita durante fulan neen. Hafoin ne’e tékniku EDTL, E.P sei monta kontador prepagu.

Implementasaun projetu eletrifikasaun komunitária ne'e EDTL promove rasik ho servisu hamutuk ho komunidade, Sub aldeia Lacao'o ho total umakain hamutuk 44 no ohin umakain sanulu-resin neen(16) mak assesu enerjia elètrika, enkuantu umakain hamutuk tolunulu resin ualu(38) iha prosesu insatalasaum nia laran no iha tempu besik sei asesu eletrisidade.

Média, EDTL, E.P