Díli, 17 Outubru 2023: Eletricidade de Timor-Leste, Empresa Pública (EDTL, E.P), liu-husi Prezidente Komisaun Ezekutiva, Dr. Paulo da Silva, tersa-feira ne’e halo abertura ba formasaun ho tópiku Maintaining Asset Register, ne’ebé hala’o iha salaun enkontru EDTL, E.P Kaikoli-Díli.

Prezidente Komisaun Ezekutiva, Dr. Paulo da Silva hatete formasaun refere importante no sei ajuda funsionáriu sira hodi ezerse papél no kontribuisaun ba serbisu unidade jestaun patrimóniu nian. Tanba ne’e husu partisipante sira atu aproveita oportunidade no ativu iha diskusaun, nune’e bele aumenta koñesimentu ba jestaun asset no halo inventarizasaun dadus.

Alende ne’e, Formador Irfan Sulaiman hanesan Manager PwC Indonesia informa, inventarizaun dadus patrimóniu instituisaun nian importante tebes, tanba ne’e materia ne’ebé sei aprezenta no diskuti hamutuk durante workshop mak hanesan, Accounting on fixed assets and pratical application, Fixed asset verification and Overview of fixed assets flow process.

Partisipa formasaun ne’e, funsionariu EDTL, E.P inklui funsionáriu husi Gabinete Secretáriu Estadu da Eletricidade, Água e Saneamentu.

Média, EDTL, E.P