Fatumea, 28 Novembru 2023: Eletricidade de Timor-Leste, Empresa Pública (EDTL, E.P) liu-husi Vice-prezidente Konsellu Administrasaun EDTL, E.P, Júlio de Jesus Gonçalves lidera Serimónia isár Bendeira ba loron proklamasaun independensia unilateral, 28 de Novembru tinan 2023 Iha Postu Administrativu Fatumea, Munisípiu Kovalima.

Hafoin isár Bandeira nasionál, Júlio de Jesus Gonçalves le’e diskursu Sua Excelência Primeiru Ministru, José Alexandre Kay Rala Xanana Gusmão nian.

Xefi Governu apela ba lideransa komunitária sira ne'ebé povu hili liu husi eleisaun orgaun suku, atu serbí povu ho responsabilidade.

“Lideransa komunitária nia papel importante ba dezenvolvimentu, atu servi povu hodi buka rezolve preukupasaun no problema ne'ebé komunidade sira hasoru iha suku no aldeia, tuir planu stratéjiku Dezenvolvimentu Nasional”.

Alende neé, fo posse ba Xefi Suku nain-tolu husi Suku Be’e Lilik-Leten, Fatumea ho Nanu’u, inklui Xefi Aldeia nain 12, reprezentante Joventude feto-mane no delegadu-delegada neébé eleitu.

Partisipa iha serimónia refere, Administrador Postu Administrativu Fatumea, Reprezentante Administrador Munisípiu Kovalima, Autoridade Lokál inklui estudante no komunidade sira.

Média, EDTL, E.P