Díli, 18 Dezembru 2023: Eletricidade de Timor-Leste, Empresa Pública (EDTL, E.P), hamutuk ho Asian Development Bank (ADB) segunda-feira ne’e, realiza formasaun grupo terseiru ba Kompaña sira hanesan Parseiru EDTL, E.P nian, kona-ba Igualidade Jéneru no Asédiu Seksual, ne’ebé hala’o iha salaun formasaun EDTL, E.P Kaikoli-Díli.

 

Objetivu husi formasaun refere atu aumenta koñesimentu kona-ba igualidade jéneru iha Timor-leste, estadu no sosiedade. Alende ne’e, hasa’e abilidade hodi identifika hahalok ne’ebé viola regra internál no atu foti asaun, hametin ambiente ho respeitu ba regra no ema nia diretu.

 

Iha intervensaun Komisáriu Ezekutivu Servisu Korporativu, Júlio de Jesus Gonçalves hatete, formasaun ne’e importante, tanba ne’e formante sira tenke aproveita nune’e bele aplika koñesimentu refere iha servisu fatin no sosiedade.

 

Média, EDTL, E.P