Díli, 17 Desembru 2023: Eletricidade de Timor-Leste, Empresa Pública, (EDTL, E.P) Komisariu Ezekutivu Servisu Tékniku, Eng. Latino Jerónimo, akompaña husi Sekretària Ezekutiva EDTL, E.P Hermìnia Marçal da Costa no tékniku PMU, hamutuk ho autoridade lokál suku Afaloikai, sàbadu ne'e, ofisialmente halakan eletrisidade bá Komunidade uma-kain 200 iha Buibela-Lena, Suku Afaloicai, Postu Administrativu Baguia, Munisípiu Baukau, liu-husi implementasaun programa eletrifikasaun nasional (PEN-Pakote 44).

 

Delegada Suku Afaloikai agradese ba EDT, E.P ne’ebé konsegue instala ona eletrisidade iha Suku Afaloikak tanba durante tinan naruk komunidade suku refere halerik no moris iha nakukun laran.

 

Alende ne’e, reprezentante komunidade ne’e informa, Suku Afaloikai rasik sei falta uma ka'in hamutuk 21 seidauk instala liña enerjia eletrisidade no husu bá EDTL, E.P atu tau atensaun no aselera lalais nune’e sira mós bele asesu ona naroman.

 

Iha intervensaun Komisáriu Ezekutivu Servisu Tékniku Eng. Latino Jerónimo, apresia komunidade sira hotu ne'ebé pasíensia durante ne’e, no parabéns ba inan aman sira nian susesu tamba hetan naroman.

 

Eng. Latino hateten, EDTL, E.P iha papél no responsabilidade atu fornese enerjia elétrika ba uma-kain hotu iha teritóriu, garante kualidade fornesimentu inklui hasae reseitas. Tanba ne’e, husu ba inan-aman sira uja enerjia ho kuidadu, matenek no didak , kuandu iha loron la presiza ahi hamate Lampu, uza banhira presiza hodi poupa eletrisidade . Wainhira iha akontesimentu Ai hanehan kona Fiu husu atu komunidade sira informa bá tékniku iha Postu Baguia hodi halo intervensaun lalais.

Iha Tempu hanesan Komisáriu tékniku mós informa katak EDTL, E.P. fó gratuitu uja eletrisidade durante fulan 6, hafoin ne’e tékniku EDTL,E.P. sei halo sosizalizasaun monta kontador pré- pagu, nune’e husu apoiu husi autoridade lokál no suku nian.

 

Hatan bá preokupasaun komunidade falta uma-kain 21 mak sedauk asesu eletrisidade, Eng. Latino Jerónimo kompromete tèkniku EDTL, E.P. sei foti dadus ba uma kain hirak ne’e, hodi EDTL, E.P rasik mak sei dada eletrisidade ba uma-kain refere.

 

Projetu eletrifikasaun refere iha Buibela-Lena, Afaloikai ho distânsia MT 4,5Kms BT 7,65 Kms no instalasaun Tranformafor 50KVA Unidade rua(2) ho total orsamentu Dólar Amerikanu $ 329,609.17 no implementa husi kompanhia Mr. Locai Unip, Lda JV SM.Bark Technology,Lda no benifisia komunidade husi Aldeia Buibela no aldeia Lena (Afaloikai, Baguia), Aldeia Waicai,Lare (Afaloikai,Uatulari,Vikeke), Aldeia Iralele no Aele(Suku Matahoi) inklui Bairo Nahae, Suku Makadiki Postu Uatulari, Vikeke.

 

Média EDTL, E.P