Díli, 26 Janeiru 2024: Eletricidade de Timor-Leste, Empresa Pública (EDTL, E.P) liu-husi Komisáriu Ezekutivu Serbisu Tékniku, Eng. Latino Jerónimo akompaña husi Diretór Planeamentu Sistema Elétriku, Egn. Gilberto sexta-feira ne’e, partisipa enkontru koordenasaun interministerial hodi diskuti konaba problema hirak ne’ebé sempre akontese iha tempu udan iha kapitál no munisípiu sira.
Sekretáriu Estadu Eletrisidade, Be’e no Saneamentu, Santos Noronha hatete, Ministériu hotu presiza serbisu integrdu hodi halo intervensaun antisipadamente ba risku hirak ne’ebé identifika ona hanesan inundasaun, ai-tohar hanehan kabu eletrisidade, post-eletrisidade monu ho seluk ne’ebé afeita husi dezastre naturais.
Alende ne’e, membru governu ne’e mos rekomenda ba EDTL, E.P atu kontinua serbisu halo melhoramentu ba poste hirak ne’ebé identifikadu iha área risku dezastre, tesi ai-horis ne’ebé afeita ba liña eletrisidade no estika kabu eletrisidade.
Partisipa enkontru refere, Sekretáriu Estadu Assuntus Toponimia no Organizasaun Urbana, Germano Santa Brites Dias, Sekretáriu Estadu Terras no Propriedades, Jaime Xavier Lopes, Diretóres jerias, empreza estatal, inklui reprezentante husi instituisaun telekomunikasoens.
Média, EDTL, E.P
Comments ( 0 )