Betano, 23 Fevereiru 2024: Eletricidade de Timor-Leste, Empresa Pública (EDTL,E.P.) liu-husi Prezidente Komisaun Ezekutiva Dr. Paulo da Silva, Komisáriu Ezekutivu Servisu Tékniku, Eng. Latino Jerónimo no Diretóra Finansas no Komersial, Idrisyah Sagran, sexta-feira, akompaña Sua Exelênsia, Ministru Obras Públikas, Samuel Marçal hala’o vizita preliminária ba “area ne’ebé iha posibilidade no viável atu harí fasilidade des-karegamentu mina (Conventional Buoy Mooring and Pipeline) ba sentrál el’etrika Betano.

Hafoin ne’e iha tempu badak Ministériu Obras Públikas hamutuk ho EDTL,E.P. sei harí ekipa hodi halo levantamentu dadus klean kona-ba implementasaun fasilidade refere iha área ne’e.