Díli, 02 Fevereiru 2024: Eletricidade de Timor-Leste, Empresa Pública (EDTL, E.P) liu-husi Konsellu Administrasaun, kuarta-feira ne’e, hala’o enkontru ordináriu hodi aprova orsamentu ,no diskute Planu asaun anual nomós planu aprovizionamentu no rekrutamentu ba tinan 2024. Enkontru refere hala’o iha Gabinete Presidente CA.
Iha enkontru ne’e Diretora Finanças no Comercial, Sra. Idrisyah Sagran partilha ba membro CA kona- rezultadu kolesasaun reseita, Iha tinan 2023 EDTL,E.P. ultrapasa projesaun ne’ebe iha ($ 52 M) ho total montante $ 54,055,058.99
No Ba tinan ida ne’e, projeksaun ba reseita ho total $ 60 M ne’ebe sei koleta husi pré-pago, pós-pago, alugue poste no servisu seluk. Ho nune’e, membros Conselho Administação husu atu kontinua kontrola nafatin atu nune’e bele atinje tarjetu ida ne’e.
Alende ne’e xefe divizaun rekursu umanu sra. Fatima Abdad partilha planu rekrutamentu hodi atende ba nesesidade serivu hanesan aumentu ba tékniku distribuisaun ba suku no posto administrasaun sira hodi bele atende ho lalais avarias liña distribuisaun, nomos ba parte relevante seluk atu nune’e mellora atendimentu no funsionamentu instituisaun nian.
Além de orsamentu, planu asaun anual nomós rekrutamentu, deskute mós ba planu aprovizionamentu ne’ebé mak konsentra ba fornesimentu enerjia ba komunidade sira ne’ebé durante tinan barak sedauk assesu enerjia elétrika.
Comments ( 0 )