Díli, 25 Janeiru 2024: Prezidente Komisaun Ezekutiva, Eletricidade de Timor-Leste, Empresa Pública (EDTL, E.P) Dr. Paulo da Silva, akompaña husi Diretora Finansas no Komersial, Idrisyah Sagran, partisipa sesaun aprezentasaun relatóriu ezekusaun orsamentu jerál estadu 2023 no simu pakote fiskal OJE 2024 husi Ministériu Obras Públikas, ne’ebé hala’o iha salaun Delta-Nova Díli.
Total transferênsia públika orsamentu jerál estadu 2023 ba Eletricidade de Timor-Leste, Empresa Pública (EDTL, E.P) ne’ebé utiliza ba saláriu vensimentu, bens e servisus, kapitál menor, kapitál dezenvolvimentu no tranferensia públikas, EDTL, E.P konsege ezekuta 76%.
Alende ne’e, fulan janeiru – dezembru 2023, Eletricidade de Timor-Leste, Empresa Pública, konsege kolekta reseitas ho montante dólar amerikanu miliaun 54 resin ($ 54.05 Milhoes), husi rezultadu fa’an enerjia pré-pagu no pos-pagu, ligasaun foun no servisu seluk.
Rasio eletrifikasaun a nivel suku tinan 2023 atinje ona 98% asesu eletrisidade, suku seluk ne’ebé seidauk asesu eletrisidade, dadaun ne’e iha progresu implementasaun mak hanesan suku Makadade, Fahilebu, Urahou, Manusahe inklui Goulolo. Suku Betalau-Lequidoe dadaun ne’e, iha ona prosesu tenderizasaun.
Tuir estimasaun iha tinan 2024 EDTL, E.P konklui ona taxa asesu enerjia elétrika 100%.
Média, EDTL, E.P
Comments ( 0 )