Díli, 07 Novembru 2024: Prezidente Komisaun Ezekutiva EDTL- E.P, Dr. Paulo da Silva, akompaña husi Komisáriu Ezekutivu Serbisu Tékniku, Eng. Roberto Manuel Marçal, hala’o enkontru ho Ekipa Rede Distribuisaun, Reseitas inklui IT iha sala enkontru EDTL - E.P Kaikoli-Díli, kinta-feira ne’e.

Objetivu husi enkontru ne’e, koalia konaba kliente sira ne’ebé seidauk atualiza sistema pré-pagu husi Standart Transfer Specification (STS 1) ba STS2 no prazu validade sistema kontador pré-pagu STS1 ne'ebé sei remata iha fim do mês Novembro.

Alende ne’e, Komisaun Ezekutiva orienta jerente sira iha kontinua lidera ekipa inspesaun ba kontador pré-pagu ho rigorozu no aplika sansaun tuir kategória uzu enerjia elétrika, bainhira detekta ligasaun direta.

Média, EDTL, E.P