Díli, 25/11/2025: Prezidente Komisaun Ezekutiva EDTL. E.P Dr. Paulo da Silva, sai orador prinsipál iha semináriu nasionál ho tema On Strengthening investment facilitation services for beneficiaries of Investment Certificates, Declaration of Benefits and Special Investment Agreements”ne’ebé realiza husi TradeInvest Timor-Leste Investment and Export Promotion Agency, I.P., iha Hotel Palm Spring, Dili.

Hafoin aprezenta materia ho topiku "Timor-Leste Electricity Sector Development Policies", Prezidente Komisaun Ezekutiva EDTL.E.P Dr. Paulo da Silva hatete iha Timor-Leste setór eletrisidade dezenvolve signifikante, Ita nia espetativa tárjetu to’o 2030, 50% utilizasaun nesessidade eletrisidade sei mai husi enérjia renováveis, dadaun neʾe EDTL,E.P. halo asaun liu husi diversifikasaun Fonte Enerjia sira hanesan : Solar PV, Wind Power, Hydropower, no Konversaun Diesél ba Gas, atu hodi garante setór eletrisidade iha futuru no hamenus despezas. Investimentu ba enerjia renovável la’ós de’it prioridade téknika, maibé mos estratéjia importante ba futuru seguransa enerjétika Timor-Leste.

Partisipa iha semináriu nasional mak hanesan, Dirijentes husi TradeInvest, Prezidente CCITL, Diretór MCAE no instituisaun no setor privado sira.

***