Díli, 11-12-2025| Prezidenti Komisaun Ezekutiva, Dr. Paulo da Silva akompaña husi Komisáriu Ezekutivu Servisu Tékniku, Eng. Roberto Manuel Marçal no Komisáriu Ezekutivu Servisu Korpativu, Júlio de Jesus Gonçalves, kinta-feira ne’e hala’o enkontru ho Diretores no Xefi Unidade sira iha nivé nasionál no munisipál, hodi halo avaliasaun dezenpeñu servisu durante ne’e.

Iha intervensaun Prezidenti Komisaun Ezekutiva, Dr. Paulo da Silva apresia ba atinjimentu servisu hotu durante tinan ida ne’e. rekursu Umanu mak instrumentu importante empresa nian, hodi asegura no garante kontinuidade funsionamentu servisu hotu. Tanbane’e, husu atu hamutuk nafatin hodi hadiak kualidade servisu empresa nian no presta diak liu-tan atendimentu ba kliente tomak.

Dr. Paulo da Silva mos rekuñese preokupasaun kliente sira nian konaba kualidade fornesimentu enerjia elétrika, maibe buka atu solusiona no buka atu prevene akontese trip/ ahi-mate nune’e hodi hamenus frequensia husi trip iha kada munisipiu.

Além de ne’e, husu atu kargu xefia atu mantem halo servisu no asegura enerjia durante festa natal no ano novo nian.

Média, EDTL, E.P