Vikeke, 21 Outubru 2025| Komisáriu Ezekutivu Servisu Tékniku  EDTL-E.P, Eng. Roberto Manuel Marçal, akompaña husi Diretór Planeamentu Sistema Elétrika, Eng. Bento Xavier, Diretór Serviços Corporativos, Francisco Martins, hamutuk ho ekipa International Finance Corporation (IFC), Técnicos Espesialista sira enkontru ho komunidade sira, hafoin ne’e kontinua kedas visita lokal projetu wind power iha Suku Ossu de Cima – Lariguto, Munisípiu Vikeke.

Iha enkontru, Comissario Executivo Serviços Técnicos, Eng. Roberto Manuel Marçal husu komunidade sira atu koopera no kuidadu aparellu hirak ne’ebé sei instala, hodi halo estudu ba velosidade anin durante fulan 12 iha área refere.

Sebastião Ferreira Pires, Reprezentante Administador Postu Ossu no Xefi Aldeia Liamida, Bendito Ruas da Silva, hatete, Autoridade Lokal hamutuk ho komunidade sira sei kontribui ba dezenvolvimentu setór eletirisidade anin ne’ebé governu sei instala iha área ne’e.

Projetu konstrusaun no instalasaun  enerjia anin (Wind power) iha Lariguto ho kapasidade estimativa 50 Megawatts (MW) no dadaun ne’e iha ona faze estudo viabilidade, iha tempo badak espesialista sira sei instala aparelho hodi sukat velosidade anin iha área ne’e.