Díli, 22 Outubro 2025| Prezidente Komisaun Ezekutiva, Eletricidade de Timor-Leste, Empresa Pública (EDTL, E.P), Dr. Paulo da Silva, quarta-feira ne’e, akompaña Ministro das Obras Públicas nia representante, partisipa iha audénsia ho Komisaun C Parlamento Nasional, diskuti kona-ba progresu ezekusaun Orsamentu Jerál  Estadu  Segundu Trimestre tinan 2025, iha sala plenária Parlamentu Nasionál.

Audisaun ne’e importante atu garante devida análise, transparênsia no eskrutínio públiku husi gestaun orsamental tinan ne’e, nune’e kontinua ba apresentasaun da proposta de lei orsamentu Jeral do Estado 2026.

Durante audisaun, Deputadu sira levanta preocupasaun kona-ba balansu  dívidas ho reseitas, além de ne’e koalia mós konaba kualidade fornesementu enerjia.

Hatan ba preokupasaun hirak ne’e, Prezidente Komisaun Ezekutiva, Dr Paulo da Silva hatete, úniku solusaun  atu halo balansu despesas ho reseitas mak diversifika Fontes de enerjia ne’ebé dadaun ne’e EDTL-E.P esforsu ona, hanesan projetu konstrusaun no instalasaun solar photovoltaic iha Laleia-Manatuto, estudo viabilidade enerjia eólica iha Lariguto no Oeleu ne’ebé lao dadaun, inklui hadiak kualidade enerjia liu-husi rehabilitasaun liña iha Díli no munisípiu, estabelese sub-stasaun foun iha Komoro ho konstrui liña transmisaun 150KV.