EDTL,E.P. Hamutuk ho IFC no Caltech Hahú Halo Estudo ba Produsaun Enerjia Eólika Iha Oeleo-Bobonaro

Bobonaro, 23 Outubro 2025| Komisáriu Ezekutivu Serbisu Korporativu EDTL-E.P, Júlio de Jesus Gonçalves, akompaña husi Diretór Planeamento Sistema Elétrica, Eng. Bento Xavier, Xefi Unidade Munisípiu Bobonaro hamutuk ho equipa International Finance Corporation (IFC), Técnicos Especialista sira enkontru ho autoridade no komunidade sira iha Suku Oeleo, hafoin ne’e kontinua kedas visita lokal projetu eólica (wind power).

Komisáriu Ezekutivu Serbisu Korporativu Júlio de Jesus Gonçalves husu komunidade sira atu koopera no kuidadu aparellu hirak ne’ebé sei instala, hodi halo estudo ba velosidade anin durante tinan ida iha área refere.

Administador Postu Bobonaro, Tomás Barreto Henrique hatete, Autoridade Lokal hamutuk ho komunidade sira sei kontribui ba dezenvolvimentu setór eletirisidade anin ne’ebé governu sei instala iha área ne’e.

Projetu construsaun no instalasaun enerjia anin (Wind power) iha Suko Oeleo-Bobonaro ho kapasidade estimativa 50 Megawatts (MW).