Dilì, 09 Dezembru 2025

Membru Komisaun Ezekutiva, Eletricidade de Timor-Leste, Empresa Pública (EDTL-E.P), liu-husi Komisáriu Ezekutivu Serbisu Tékniku, Eng. Roberto Manuel Marçal hamutuk ho Komisáriu Ezekutivu Serbisu Korporativu, Júlio de Jesus Gonçalves akompaña husi  Diretòr Tranmisaun, Diretòr Finansas e Komersiàl , inklui xefi unidade reseitas no xefi divizaun TIK, halaʾo sorumutu ho SE. Ministro Transporte Komunikasaun  Miguel Marques Gonçalves Manetelu, ho komitiva , iha Gab MTK, Kaikoli Dili.

Sorumutu ne’e ho objetivu  atu halo kordenasaun institusionál entre EDTL, E.P no MTC kona-ba Statutu liña F.O, hodi define legal kona-ba proprietáriu formal no entidade responsável ba jestaun liña F.O. alende neʾe kria modelu finansamentu justu no transparente ba kustu manutensaun, tanba EDTL, E.P mak halo manutensaun práktiku iha terrenu.

 EDTL, E.P konsidera oportunidade atu iha futuru hetan reseitas husi arendamentu cores F.O atu suporta kustu operasional. Se renda arendamentu nafatin recolle husi MTC, EDTL, E.P solisita koordenasaun no apoiu orsamental hodi garante sustentabilidade servisu.